Connect with us

LAJME

Bujar Bukoshi i sëmurë, sa të holla ndau shteti për shërimin e tij në Gjermani

Published

on

Ish-kryeministri i Kosovës në ekzil, ish-ministri i Shëndetësisë dhe ish-zëvendëskryeministri në Kosovën e pavarur, Bujar Bukoshi, është ndihmuar nga shteti me 90 mijë euro për shërim jashtë vendit.

Bukoshi, i cili ka udhëhequr për tri vite Ministrinë e Shëndetësisë në Kosovë, ka kërkuar shërim në një spital në Gjermani.

Në fillim të muajit dhjetor të vitit të kaluar, Qeveria e Haradinajt me një vendim ndau 30 mijë euro nga rezervat shtetërore për mbulimin e shpenzimeve për shërim jashtë vendit të Bujar Bukoshit. Para për Bukoshin kishte ndarë edhe Qeveria e Isa Mustafës gjatë muajit korrik, por ky vendim nuk ishte publikur asnjëherë.

E Bukoshi është ndihmuar edhe dy herë të tjera nga shteti për shërim jashtë institucioneve publike shëndetësore.

Ish-kryeministri në ekzil, ish-ministri i Shëndetësisë në vitet 2007-2010 në Qeverinë Thaqi 1 dhe ish-zëvendëskryeministri në vitet 2010-2013 në Qeverinë Thaqi 2 ku Bukoshi arriti nëpërmjet Listës “Ibrahim Rugova” së bashku me Dardan Gashin dhe Ukë Rugovën. I shumëpërfoluri për Fondin e 3 përqindëshit, Bukoshi, ka marrë para për shërim edhe dy herë të tjera nga ministria që ka udhëhequr.

Gazeta Shneta ka mësuar se Bukoshi është përkrahur financiarisht me 30 mijë euro në nëntor të vitit 2016 nga Ministria e Shëndetësisë në bazë të Udhëzimit Administrativ për Trajtim Mjekësor Jashtë Institucioneve Shëndetësore Publike.

Po aq, 30 mijë euro, ka përfituar sërish në gusht të vitit të kaluar. Kjo është konfirmuar edhe nga MSH në një përgjigje për Gazeta Shneta.

“Ju njoftojmë se Ministria e Shëndetësisë/Fondi për Sigurim Shëndetësor ka përkrahur financiarisht nëpërmjet Programit për TMJIShP dy herë personin në fjalë. Më 09.11.2016 është përkrahur me 30,000.00€ dhe më datë 07.08.2017 është përkrahur me 30,000.00€”.

Bukoshi, i cili ka udhëhequr Ministrinë e Shëndetësisë në Kosovë për tri vite me radhë në Qeverinë e parë pas shpalljes së Pavarësisë, ka kërkuar para nga po kjo ministri për t’u trajtuar në një klinikë në Evropë.
MSH ka konfirmuar se pagesat janë bërë në llogari të klinikës urologjike “Urologie Maximilianstrasse” në Gjermani, institucion ky ku është duke u trajtuar Bukoshi.

Herën e fundit si zëvendëskryeministër, Bukoshi ka deklaruar pasuri të paluajtshme në vlerë prej 720 mijë euro. Vetëm shtëpia e tij në Prishtinë kap vlerën prej 400 mijë euro. Poashtu ai posedon edhe banesë 72 metra katrorë në vlerë 60 mijë euro në Shqipëri.

Kujtojmë se kjo nuk është hera e vetme kur përveç MSH-së, edhe Qeveria ndan para për trajtim jashtë vendit të zyrtarëve dhe ish-zyrtarëve të shtetit.

Ndarja e 30 mijë eurove për Bukoshin nga Qeveria ka ngjallur reagime nga shoqëria civile duke e cilësuar atë si njërin nga përgjegjësit e shkatërrimit të shëndetësisë në vend.

Mbulimi i shpenzimeve nga Qeveria për zyrtarët ndodhë në kohën kur pacientët detyrohen të kërkojnë para nga qytetarët për t’i mbuluar shpenzimet e shërimit jashtë Kosovës. /Gazeta Shneta/

BOTA

Aleksandar Vuçiq viziton Kosovën në fundjavë

Published

on

Presidenti i Serbisë, Aleksandar Vuçiq, do të qëndrojë për vizitë në Kosovë ditën e shtunë dhe të diel, kanë bërë të ditur nga zyra e presidentit, shkruan Tanjug, transmeton Klan Kosova.

Vuçiq do të vizitojë Mitrovicën Veriore, Graçanicën si dhe fshatin Llapllasellë.

Ai do të zhvillojë bisedime me serbët në Kosovë.

Continue Reading

LAJME

Shokon Myftaraj: Erdoganit do t’i ikë koka nëse vjen në Tiranë

Published

on

Njëri ndër analistët më kontraverz në Shqipëri i cili shpesh herë shfaq edhe urrejtje të hapur ndaj komunitetit musliman, Kastriot Myftaraj ka bërë një deklaratë të rëndë në studion e “360 Gradë”, duke deklaruar se Presidentit turk Erdogan do t’i “ikë koka”nëse vjen në Tiranë për shkak se ka inauguruar vendosjen e gurthemelit të xhamisë së Namazgjasë.

Teologu Ermir Gjinishi thotë se nuk jemi në Mesjetë dhe se nacionalizmi nuk bëhet duke sulmuar gjithë botën, transmeton OraNews.

Pjesë nga deklaratat:

Myftaraj: Ai Erdogani yt të vijë këtu dhe do t’i ikë koka në mes të Tiranës. Do të bëj unë thirrje publike sepse ka shkelur laicizmin.

Gjinishi: Do të bësh të njëjtën thirrje për Sali Berishën? Sepse ai e ka vënë i pari gurin e parë te Xhamia e Namazgjasë.

Mos e bë kaq tragjike. Do vrasim Erdoganin. Nuk jemi në Mesjetë. Nuk është Turqia e sotme, Turqia e Mesjetës, nuk është Italia e sotme Italia e 39-s. Italia na ka mbajtur me bukë. Nuk e krijon dot nacionalizmin shqiptar duke sulmuar gjithë botën.

Continue Reading

KOSOVË

Vulin: Nëse Prishtina nuk është në gjendje të gjejë vrasësit, ne do i gjejmë

Published

on

Vulin gjatë ditës së sotme ishte pyetur nga gazetarët se në çfarë gjendje të sigurisë është vendkalimi administrativ mes Serbisë e Kosovës.

Ai deklaroi se situata mes dy vendeve është e qetë dhe nën kontroll. Sipas tij shteti serb do i kryejë të gjitha detyrat e veta në vendkalimin administrativ mes Serbisë dhe Kosovës, shkruan Indeksonline.

Ai po ashtu theksoi se janë të përgatitur plotësisht për të mbrojtur integritetin dhe sovranitetin e vendit të tyre dhe sigurinë e çdo qytetari.

Ndërkaq, sa i përket gjetjet së vrasësve, Vulin tha se nëse Prishtina nuk mund ta bëjë këtë, Serbia do i gjejë.

“Përfaqësuesit e Prishtinës dhe komuniteti ndërkombëtar kanë gjithçka nga regjistrimet në dëshmi dhe ne po kërkojmë që ajo të na vihet në dispozicion. Nëse ata nuk janë në gjendje të gjejnë vrasësit, ne do ta bëjmë atë vetë ose së bashku me ta”, tha Vulin.

Siç tha ai, është e nevojshme të zbulohet jo vetëm vrasësi apo vrasësi por edhe urdhëruesit./Indeksonline/

Continue Reading

ARTIKUJT MË TË LEXUAR

Facebook Auto Publish Powered By : XYZScripts.com