Connect with us

BOTA

Gjermani, akord për një sërë çështjesh në bashkëqeverisje

Published

on

Qeveria e re gjermane do të duket shumë si ajo e vjetra, të paktën këtë ka në plan Angela Merkel. Tri partitë e koalicionit të fundit të madh, ajo kristiandemokrate CDU, simotra e saj Unioni Kristian Social, CSU, si dhe socialdemokratët prekën rezultate të ulëta historike në zgjedhjet federale të shtatorit.

Por, ndonëse kishin deklaruar ndryshe, partnerët e hershëm, të gjendur edhe nën presidentin e kreut të shtetit, vendosën të bashkojnë forcat edhe një tjetër herë.

Shqetësimi më i madh i momentit tani është se, nëse SPD-ja zgjedh përfundimisht të hyjë në qeveri, roli i partisë më të madhe të opozitës do t’i mbetet Alternativës për Gjermanine. AfD-ja e ekstremit të djathtë do të ketë kështu mundësi të drejtojë një sërë komisionesh parlamentare e të përfitojë fonde publike apo mekanizma të tjerë, përmes të cilëve të promovojë axhendën e saj politike kundër Islamit dhe emigrantëve.

Marrëveshja 28-faqëshe e koalicionit, ndërkohë, tregon se është gjetur kompromisi mbi një sërë çështjesh, megjithatë ekspertët e përshkruajnë atë më shumë si fitore të Merkelit, duke qenë se Schulz është detyruar të zbrapset në një sërë çështjesh.

Kështu është rënë dakord që numri maksimal i azilkërkuesve në vit të jetë 220 mijë, ndërsa deri në 1.000 familjarë refugjatësh do të lejohen të shkojnë në Gjermani çdo muaj. SPD-ja pretendonte edhe një rritje taksash nga 42 në 45% për personat me të ardhura më të larta, por për këtë nuk u ra dakord.

Ajo dështoi gjithashtu në përpjekjet për të krijuar një sistem sigurimesh për qytetarët, i cili të garantonte standardet bazike të kujdesit shëndetësor, si për pacientët e spitaleve shtetërore, ashtu dhe për ata të klinikave private.

Socialdemokratët shënuan një triumf të vogël me ndalimin e përdorimit të pesticidit të shumëdiskutuar “glifosat”, i cili konsiderohet përgjegjës për zhdukjen e popullatave të tëra të insekteve anembanë Europës këto vitet e fundit./TCH

BOTA

Aleksandar Vuçiq viziton Kosovën në fundjavë

Published

on

Presidenti i Serbisë, Aleksandar Vuçiq, do të qëndrojë për vizitë në Kosovë ditën e shtunë dhe të diel, kanë bërë të ditur nga zyra e presidentit, shkruan Tanjug, transmeton Klan Kosova.

Vuçiq do të vizitojë Mitrovicën Veriore, Graçanicën si dhe fshatin Llapllasellë.

Ai do të zhvillojë bisedime me serbët në Kosovë.

Continue Reading

BOTA

Vuçiq: Veseli nuk do të vijë në Nish, shqiptarët si turistë mund ta shohin këtë qytet të bukur

Published

on

Kryetari i Serbisë Aleksandar Vuçiq iu ka kundërvënë deklaratës së kryetarit të Kuvendit të Kosovës Kadri Veseli ,i cili, dje, gjatë shënimit të përvjetorit të masakrës së Reçakut, kishte thënë se “në rast sulmit të Serbisë në Kosovë, shqiptarët do ta ndjekin atë deri në Nish”, transmeton Koha.net.

“Sundimtar i Kosovës është Kadri Veseli, e jo Thaçi e Haradinaj”, ka thënë Vuçiq duke shtuar se Serbia e ka kuptuar mirë kërcënimin se shqiptarët do të vijnë deri në Nish.

Siç përcjell FoNet, ai ka thënë se e ka kuptuar mirë edhe heshtjen e atyre që duhet të reagojnë menjëherë ndaj kësaj dekalarate.

“Mund ta porosis Veselin se a nuk do të mund të vijë”, ka thënë Vuçiq duke shtuar se shqiptarët mund të vijnë si turisë e ta shohin këtë qytet të bukur”.

Continue Reading

BOTA

Turqia dërgon mjete të blinduara në kufirin me Sirinë

Published

on

Automjete të blinduara për transportin e forcave të sigurisë dhe automjete ushtarake për pengimin e sinjaleve, të cilat Turqia i ka dërguar si përforcime të njësive në kufirin me Sirinë, kanë mbërritur në provincën Hatay në jug të Turqisë, raporton Anadolu Agency (AA).

Automjetet ushtarake me kamionë të njësive të sigurisë turke u transportuan në Reyhanli.

Gazetari i AA-së mëson se si njësitë e kontrollit kufitar vëzhgojnë kufirin me njësi patrullimi dhe kamera termike.

Përveç kësaj, është vërejtur edhe tym nga disa vende në Nesreyieh, që i përket Afrinit, i cili është nën kontrollin e organizatës terroriste PYD/PKK.

Continue Reading

ARTIKUJT MË TË LEXUAR

Facebook Auto Publish Powered By : XYZScripts.com