Connect with us

LAJME

Tetova, një qytet pa transport publik

Published

on

Qyteti i Tetovës ka vite që përballet me mungesë të transporti urban. Edhe përkundër premtimeve të shumta si nga komuna po ashtu edhe nga qeveria ky problem nuk arrin të zgjidhet.

Qytetarë e anketuar për TVM2, shprehen se Tetovës i duhet një transport publik pasi do të lehtësonte qarkullimin në rrugët e Tetovës, si dhe për xhepat e qytetarëve do të ishte më i lirë.

“Patjetër se duhet të ketë. Gjithsesi se po duhet me pasur transport urban,si çdo qytet apo metropol tjetër, Tetovë është zhvilluar mjaft dhe ka nevojë për transport urban” – tha një qytetarë.

“Sigurisht se i mungon, i mungon edhe rregulli i transportit urban,d.m.th. ai orari i përpiktë dhe me siguri nuk do të kemi këtë kaos, së paku do të rregullohet ky kaosi në komunikacion. Mirëpo transporti urban mbanë një nivel tjetër komunikimit qytetërues” – u shpreh një qytetarë tjetër.

“Duhet të ketë, mirë do ishte. Shikoni veturat siç lëvizin . Vend që të vij me autobus ose fugon ai merr veturën një person” – deklaroi një qytetarë nga Tetova.

Nga ana tjetër e para e komunës së Tetovës Teuta Arifi,shprehet se ky është projekt i madh dhe se duhet edhe mjete financiar. Sipas saj komuna ka kërkuar ndihmë jo vetëm nga qeveria por edhe nga donator të jashtëm.

“Normalisht siç e dini ne kemi themeluar ndërmarrjen publike,mirëpo për të filluar një ndërmarrje publike e atij kapaciteti funksionoj kërkon edhe një bazament më të fuqishëm financiar , që ne si komunë mund të themi se e kemi shumë modest. Për këtë arsye jemi në kërkim të mbështetjes jo vetëm nga qeveria por edhe nga donator të jashtë , që të mundet të krijohet një kapacitet bazik që të mund të filloj të funksionoj, se qëllimi është kur të filloj të funksionoj me sukses, ne mbetemi të angazhuar që ndërmarrja publike për transport të arrin dhe të vendoset në funksion” – tha numri një i Tetovës, Teuta Arifi.

Arifi shprehet me tej se edhe ketë vit komuna e Tetovës ka ndarë mjete për këtë ndërmarrje, dhe pret përgjigje pozitive si nga qeveria po ashtu edhe nga donatorët.

Ne e kemi ripërsëritur kërkesën në fund pasi e kemi votuar buxhetin, pasi e quajtëm të arsyeshme që ta ripërsërisim kërkesën për vitin që vjen , dhe presim që të kemi përgjigje pozitive, dhe kemi bërë kërkesë tek dy adresa donatorësh të jashtëm dhe mendojë që presim edhe prej atyre pozitive, dhe ne kemi ndarë buxhetin tonë kështu që mendojë se do të jetë një vit i mbarë edhe për këtë ndërmarrje.

Deri sa komuna e Tetovës përballet me mungesë të transporti publik edhe komunikacioni në këtë qytet është i ngarkuar.

Poashtu vlerësohet se transporti urban do të ndikonte pozitivisht në uljen e ndotjes, pasi shumë qytetar në vend të veturave personale për transport do të shfrytëzonin transportin urban.

BOTA

Aleksandar Vuçiq viziton Kosovën në fundjavë

Published

on

Presidenti i Serbisë, Aleksandar Vuçiq, do të qëndrojë për vizitë në Kosovë ditën e shtunë dhe të diel, kanë bërë të ditur nga zyra e presidentit, shkruan Tanjug, transmeton Klan Kosova.

Vuçiq do të vizitojë Mitrovicën Veriore, Graçanicën si dhe fshatin Llapllasellë.

Ai do të zhvillojë bisedime me serbët në Kosovë.

Continue Reading

LAJME

Shokon Myftaraj: Erdoganit do t’i ikë koka nëse vjen në Tiranë

Published

on

Njëri ndër analistët më kontraverz në Shqipëri i cili shpesh herë shfaq edhe urrejtje të hapur ndaj komunitetit musliman, Kastriot Myftaraj ka bërë një deklaratë të rëndë në studion e “360 Gradë”, duke deklaruar se Presidentit turk Erdogan do t’i “ikë koka”nëse vjen në Tiranë për shkak se ka inauguruar vendosjen e gurthemelit të xhamisë së Namazgjasë.

Teologu Ermir Gjinishi thotë se nuk jemi në Mesjetë dhe se nacionalizmi nuk bëhet duke sulmuar gjithë botën, transmeton OraNews.

Pjesë nga deklaratat:

Myftaraj: Ai Erdogani yt të vijë këtu dhe do t’i ikë koka në mes të Tiranës. Do të bëj unë thirrje publike sepse ka shkelur laicizmin.

Gjinishi: Do të bësh të njëjtën thirrje për Sali Berishën? Sepse ai e ka vënë i pari gurin e parë te Xhamia e Namazgjasë.

Mos e bë kaq tragjike. Do vrasim Erdoganin. Nuk jemi në Mesjetë. Nuk është Turqia e sotme, Turqia e Mesjetës, nuk është Italia e sotme Italia e 39-s. Italia na ka mbajtur me bukë. Nuk e krijon dot nacionalizmin shqiptar duke sulmuar gjithë botën.

Continue Reading

KOSOVË

Vulin: Nëse Prishtina nuk është në gjendje të gjejë vrasësit, ne do i gjejmë

Published

on

Vulin gjatë ditës së sotme ishte pyetur nga gazetarët se në çfarë gjendje të sigurisë është vendkalimi administrativ mes Serbisë e Kosovës.

Ai deklaroi se situata mes dy vendeve është e qetë dhe nën kontroll. Sipas tij shteti serb do i kryejë të gjitha detyrat e veta në vendkalimin administrativ mes Serbisë dhe Kosovës, shkruan Indeksonline.

Ai po ashtu theksoi se janë të përgatitur plotësisht për të mbrojtur integritetin dhe sovranitetin e vendit të tyre dhe sigurinë e çdo qytetari.

Ndërkaq, sa i përket gjetjet së vrasësve, Vulin tha se nëse Prishtina nuk mund ta bëjë këtë, Serbia do i gjejë.

“Përfaqësuesit e Prishtinës dhe komuniteti ndërkombëtar kanë gjithçka nga regjistrimet në dëshmi dhe ne po kërkojmë që ajo të na vihet në dispozicion. Nëse ata nuk janë në gjendje të gjejnë vrasësit, ne do ta bëjmë atë vetë ose së bashku me ta”, tha Vulin.

Siç tha ai, është e nevojshme të zbulohet jo vetëm vrasësi apo vrasësi por edhe urdhëruesit./Indeksonline/

Continue Reading

ARTIKUJT MË TË LEXUAR

Facebook Auto Publish Powered By : XYZScripts.com