Connect with us

TECH & AUTO

WhatsApp me një tipar të ri që do t’i ndryshojë video thirrjet përgjithmonë

Published

on

WhatsApp përdoret kryesisht si një aplikacion i popullarizuar i mesazheve në telefona. Në fakt, në vigjilje të vitit të ri 2017, ajo u përdor në sasi rekorde, me një mesatare prej 75 miliardë mesazhe të dërguara gjatë natës.

Megjithatë, shumë njerëz shpesh harrojnë se aplikacioni është gjithashtu mjaft i dobishëm për video chat. Në fakt, thirrjet në WhatsApp janë bërë aq të rëndësishme për aplikacionin popullor të mesazheve, ndërsa tani platforma ka mbi 100 milionë telefonata në ditë.

Ashtu si çdo vit, ka gjithmonë fjalë se si platforma mund të evoluojë dhe çfarë tipare të reja mund të shfaqen.

Por për muaj, është përfolur se kompania ka punuar për lirimin e një përditësimi të madh në veçoritë e video thirrjeve brenda aplikacionit.

Tani WhatsApp ka bërë të ditur se është duke ardhur një përditësim i ri beta, të cilin kompania e ka lëshuar këtë javë.

Më saktë, WhatsApp po nxjerr në pah një veçori të re që shfaq një buton të ri i cili automatikisht ju kalon në video thirrje. Kjo mund të duket vetëm si një ndryshim i lehtë në platformë, por është një prej atyre që mund të ketë një ndikim të madh në mënyrën se si njerëzit përdorin aplikacionin dhe inkurajon më shumë përdorues të përdorin videot në vend të thirrjeve me zë.

Funksioni i ri u zbulua për herë të parë nga WABetaInfo, megjithatë, ata thonë se kjo është në dispozicion vetëm për momentin tek njerëzit e regjistruar në versionin beta të WhatsApp.

Tipari i ri do të thotë që asnjëherë nuk do të mbyllë një telefonatë me zë, por vetëm do ta kalojë atë në një video thirrje me të njëjtin person.

Funksioni është në dispozicion vetëm për thirrjet individuale mes dy njerëzve dhe nuk do të funksionojë për thirrjet në grup.

TECH & AUTO

SHBA-ja bllokon kompanitë kineze të telekomunikimit

Published

on

Kongresi amerikan i ka kërkuar kompanisë së njohur ‘AT&T’, e dyta për shërbimin wireless që të ndërpresë të lidhjet tregtare me prodhuesin kinez të telefonave ‘Huwei Technologies Co. LTD’ dhe t’u kundërvihet planeve nga operatori kinez ‘China Mobile LTD’ për të hyrë në tregun amerikan për shkak të shqetësimeve që lidhen me sigurinë.

Sipas Reuters, përcjell Telegrafi, kërcënimi është bërë i qartë teksa Kongresi dhe Administrata SHBA-ve ka paralajmëruar se kompanitë që mbajnë marrëdhënie me këto dy subjekte kineze do të humbasin mundësitë për të punuar me qeverinë. Kërkesa bërë ndaj ‘AT&T’-së lidhet me bashkëpunimin e saj me ‘Huawei’ për standardet e rrjetit të ardhshëm 5G. Asnjë prej palëve nuk është prononcuar për këto çështje, por kompania kineze ‘Huawei’ ka bërë të ditur se furnizon me pajisje 45 prej 50 kompani kryesore që ofrojnë shërbime wireless.

“Vala tjetër e komunikimit wireless ka ndikime të mëdha ekonomike të sigurisë dhe të sigurisë kombëtare. Pjesëmarrja e Kinës në vendosjen e standardeve dhe shitjen e pajisjeve ngre shumë pikëpyetje të sigurisë kombëtare që kërkojnë vëmendje të rreptë dhe të shpejtë”, tha Michael Wessel, anëtar i Komisionit Amerikan të Shqyrtimit Ekonomik dhe të Sigurisë.

Raportohet se ligjvënësit amerikanë nuk duan që të licencojnë ‘China Mobile’ të operojë në SHBA dhe kjo duket te fakti se aplikimi është paraqitur që në vitin 2011. Në vitin 2012, ‘Huawei’ dhe ‘ZTE Corp.’ u hetuan nga SHBA-të për të vlerësuar nëse pajisjet e ofruara prej tyre mundësonin aktivitet spiunazhi ndaj infrastrukturës së SHBA-ve. /Telegrafi/

Continue Reading

TECH & AUTO

‘Project Linda’, kompjuteri që punon me telefon të mençur

Published

on

Në panairin e teknologjisë ‘CES 2018’, që u mbajt në Las Vegas të SHBA-vë, kompania ‘Razer’ që është e specializuar në pajisje dhe pjesë për videolojëra prezantoi ‘Project Linda’, një kompjuter që ngjan me një telefon të mençur, shkruan Telegrafi.

Vitin e kaluar, kompania prezantoi ‘Project Valerie’, një laptop me tre ekrane dhe rezolucion 4K, ndërsa ‘Project Linda’ është një telefon i mençur i cili mund të përdoret sit ë ishte një kompjuter, me një ekran prej 13 inç, tastierë QËERTY, kujtesë prej 200 GB, por nuk ka procesor, mungon RAM dhe nuk ka altoparlantë. Mirëpo, ta cilësosh si një laptop është e tepërt edhe pse dimensionet e bëjnë të mendosh se është një i tillë.

‘Project Linda’ ka sistem operativ ‘Android’ dhe ju mund të përdorni aplikacionet që gjenden në ‘Google Play Store’. Ju këtë mund ta përdorni si një touchpad, por edhe për funksione dytësore të aplikacioneve që i përdorni. Këto karakteristika e bëjnë mjaft interesant sa u përket videolojërave. /Telegrafi/

Continue Reading

TECH & AUTO

VW Jetta e re, e gatshme të marrë Amerikën (Foto)

Published

on

Volkswagen prezantoi në panairin e automobilave në Detroit gjeneratën e shtatë të Jetta.

Që nga fillimi i prodhimit në vitin 1980 janë shitur rreth 17,5 milionë njësi në gjithë botën, prej tyre 3,2 milionë në SHBA.

Jetta e re enterierin e brendshëm e ka huazuar nga modeli   mini SUV-a T-Roc.

Është e ndërtuar në platformën MQB sikurse VW Golf 7 dhe Tiguan, Shkoda Kodiaq dhe Seat Arona.

Ka motor 1.4 litra TSI turbo-benzinë me 150 kuaj fuqi.

Jetta e re do të dalë në shitje prej vitit 2019.

Çmimi dhe detajet teknike do të bëhen më vonë të ditura.

Jetta do të prodhohet në Meksikë dhe është e dedikuar për tregun e SHBA-së. /kp/

Continue Reading

ARTIKUJT MË TË LEXUAR

Facebook Auto Publish Powered By : XYZScripts.com