Connect with us

KOSOVË

Në vendet e Ballkanit falet namazi i teravisë së parë

Published

on

Besimtarët muslimanë në vendet e Ballkanit falën namazin e taravisë së parë para fillimit të muajit të shenjtë të Ramazanit, raporton Anadolu Agency (AA).

Namazi i teravisë është falur nëpër xhamitë e Shkupit, Tiranës, Prishtinës, si dhe në qytete të tjera të vendeve të Ballkanit me pjesëmarrjen e qindra besimtarëve.

Në Xhaminë Mustafa Pasha në Shkup besimtarët të shumtë me lutjet e tyre falën namazin e teravise, ndërsa xhamia ishte e mbushur plot.

Një pjesë e besimtarëve e falën namazin në oborrin e xhamisë, ndërsa edhe në xhamitë e tjera të Maqedonisë është falur namazi i teravisë së parë me pjesëmarrjen e qindra besimtarëve.

Në xhamitë në Tiranë dhe në qytete të tjera të Shqipërisë është falur namazi i teravisë së parë në prag të fillimit të muajit të Ramazanit.

Dhjetëra besimtarë muslimanë në Xhaminë e Pazarit të Ri në Tiranë kanë kryer ritet e tyre për faljen e teravisë së parë.

Xhamia e Madhe – Sultan Mehmet Fatih në Prishtinë, ishte e mbushur me besimtarë të cilët kanë falur namazin e teravisë së parë.

Pas faljes së namazit të jacisë dhe leximit të librit të shenjtë Kuranit, rreth 200 besimtarë kishin mbushur Xhaminë e Madhe në Prishtinë për të falur namazin e parë të teravisë.

Namazi i teravive falet çdo mbrëmje gjatë muajit të Ramazanit, pas namazit të jacisë, duke filluar një mbrëmje para fillimit të agjërimit dhe duke mbaruar një mbrëmje para ditës së Fitër Bajramit.

REKLAMË

PARTNER MEDIAL

Na ndiqni në FACEBOOK

ARTIKUJT MË TË LEXUAR

Facebook Auto Publish Powered By : XYZScripts.com