Connect with us

LAJME

Ali Ahmeti nga Prespa: Me 30 shtator vendoset fati i popujve që jetojnë në Maqedoni

Published

on

Bashkimi Demokratik për Integrim ka vazhduar me aktivitet e veta në kuadër të fushatës për referendum duke qëndruar në mesin e qytetarëve të Prespës prej të cilëve u kërkua që të jenë pjesë e fitores me 30 shtator duke votuar PËR Maqedoninë në NATO.

Kryetari i BDI-së, Ali Ahmeti potencoi para qytetarëve të Prespës ky është një moment i pa përsëritshëm dhe se me 30 shtator vendoset fatet e popujve që jetojnë në këto hapësira.

“Ky referendum ka një specifikë pasi së bashku jemi për një qëllim. Është moment i parë që në historinë e Republikës së Maqedonisë, që dy komunitet më të mëdha shqiptar dhe maqedonas rrugëtojnë dhe punojnë që ky referendum të jetë i suksesshëm dhe ne të anëtarësohemi si hapi i parë në NATO. Ne, ftesë për anëtarësim kemi dhe pas përfundimit të zbatimit të kësaj marrëveshje, pritet edhe ratifikimi nga të gjitha vendet anëtare të NATO-së me çka ne presim brenda 15 muajsh me të gjitha të drejtat të behemi vendi i 30 në aleancën më të madhe ushtarako-politike të quajtur NATO. Ndërsa në qershor të vitit të ardhshëm presim të nënshkruhet marrëveshja për fillimin e bisedimeve për anëtarësim në Bashkimin Evropian,” u shpreh lideri i BDI-së, Ahmeti.

Në shoqëri të kryetarit të BDI-së, Ali Ahmeti, para qytetarëve të Prespës qëndruan, Zëvendëskryeministri për Çështje Evropiane, Bujar Osmani, deputeti Agim Shaqiri dhe Valmir Aziri sekretar shtetëror në Ministrin e Kulturës.

Përndryshe, më 10 shtator zyrtarisht filloi fushata për referendumin, bartës i të cilës është Kuvendi i Republikës së Maqedonisë. Në fushatën e Kuvendit do të kyçen 71 deputetë nga të gjitha grupet parlamentare, me përjashtim të partisë opozitare të VMRO-DPMNE-së.

Ndryshe, referendumi do të mbahet më 30 shtator, ku qytetarët e Maqedonisë do të përgjigjen në pyetjen: “A jeni për anëtarësim në NATO dhe BE me pranimin e marrëveshjes me Greqinë?”.

Marrëveshjen me Greqinë në gjuhën shqipe mund ta lexoni: KËTU.

Burimi i lajmit

REKLAMË

Na ndiqni në FACEBOOK

ARTIKUJT MË TË LEXUAR

Facebook Auto Publish Powered By : XYZScripts.com